’துர்முகி’ தமிழ் புத்தாண்டு பலன்களுடன் .. ஜீவி - புதிய நூல் - அறிமுகம் - பகுதி 16

’ஜீவி’ என்று நண்பர்களால் அன்புடன் அழைக்கப்படும் ’பூ வனம்’ http://jeeveesblog.blogspot.in/ வலைப்பதிவர் திரு. G. வெங்கடராமன் அவர்களின் நூலினை சமீபத்தில் சென்னை சந்தியா பதிப்பகம் வெளியிட்டுள்ளது.  

ஏற்கனவே இவரின் படைப்பினில் நான்கு சிறுகதை தொகுப்பு நூல்கள் வெளிவந்திருக்கின்றன. தமிழில் வெளிவரும் உயரிய படைப்புகளை கடந்த 50 ஆண்டுகளாக தொடர்ந்து வாசித்துவரும் 73 வயதான இவர் சென்னையில் வசித்து வருகிறார்.

தன் வாசிப்பு அனுபவம் மூலம் கண்டடைந்த 37 தமிழ் எழுத்தாளர்களின் படைப்புகள் அவருக்கு ஏற்படுத்திய தாக்கத்தின் விளைவே இந்த நூல் வெளியிட காரணமாக அமைந்துள்ளது. உன்னதமான தனது உணர்வெழுச்சிகளையும் விமர்சனங்களையும் எவ்வித ஆர்பாட்டமுமின்றி ஓர் எளிய நடையில் தன் சக வாசகர்களுடன் ஜீவி பகிர்ந்துகொள்கிறார்.

நூல் தலைப்பு:

ந. பிச்சமூர்த்தியிலிருந்து 

எஸ்.ரா. வரை

மறக்க முடியாத தமிழ் எழுத்துலகம்

By ஜீவி

முதற்பதிப்பு: 2016

வெளியீடு:

சந்தியா பதிப்பகம்

புதிய எண் 77, 53வது தெரு, 9வது அவென்யூ

அசோக் நகர், சென்னை-600 083

தொலைபேசி: 044-24896979

sandhyapathippagam@gmail.com

sandhyapublications@yahoo.com

www.sandhyapublications.com

அட்டைகள் நீங்கலாக 264 பக்கங்கள்

விலை: ரூபாய் 225 

ஒவ்வொரு பிரபல எழுத்தாளர்கள் பற்றியும் அவரின் பிறந்த ஊர், அவர்களின் சமகால எழுத்தாள நண்பர்கள், செய்துவந்த தொழில், உத்யோகம், எழுத்து நடை, எழுத்துலகில் அவரின் தனித்தன்மைகள், எந்தெந்த பத்திரிகைகளில் தொடர்ந்து எழுதி வந்தார், எந்தெந்த பத்திரிகை அலுவலகங்களில் ஊழியராகவோ அல்லது ஆசிரியராக பணியாற்றி வந்தார் போன்ற பல்வேறு செய்திகளுடன், அந்த எழுத்தாளர் எழுதியுள்ள பிரபல ஆக்கங்கள், அவற்றில் இவர் மிகவும் லயித்துப்போன பகுதிகள், அவர்கள் பெற்றுள்ள பரிசுகள் + விருதுகள், பிற மொழிகளில் மொழியாக்கம் செய்யப்பட்டவைகள் என மிகவும் விஸ்தாரமாக ஒவ்வொன்றையும் பற்றி தான் அறிந்த வகையில் எடுத்துச் சொல்லியுள்ளார் ஜீவி அவர்கள்.

இந்த நூல் அறிமுகத்தில் நாம் தொடர்ந்து இவர் சிலாகித்துச்சொல்லும் 37 எழுத்தாளர்களையும் பற்றி அவ்வப்போது கொஞ்சம் கொஞ்சமாகப் பார்ப்போம்.  

29) வித்தியாசமான 

விட்டல் ராவ் 

[பக்கம் 180 முதல் 184 வரை]

எழுத்தாளர் விட்டல் ராவ் தொலைபேசி இலாகாவில் பணியாற்றியவராம்.

 

நமது ஜீவியும் அதே இலாகாவில். கேட்க வேண்டுமா?.. இரண்டு பேருக்கும் பொதுவான அம்சம் என்று அந்த இலாகாவில் நடந்த ஒரு பொது வேலை நிறுத்தத்தைப் பற்றி விட்டல ராவ் நாவல் எழுதியிருந்ததை சிலாகித்துச் சொல்கிறார் ஜீவி.

விட்டல் ராவின் 'நதிமூலம்' நாவல் மூன்று தலைமுறை பற்றியது. அந்தந்த காலத்து வாழ்க்கை, நடைபெற்ற சமூக, சரித்திர நிகழ்வுகள், நாவலில் எவ்வளவு அழகாக இடம் பெறுகின்றன என்று ஜீவி சொல்லும் பொழுது விட்டல்ராவின் எழுத்து மகிமை நமக்குத் தெரிகிறது.

இவரின் ‘போக்கிடம்’ என்ற புதினமும், ‘இன்னொரு தாஜ்மஹால்’ என்ற நாவலும், ’பேர் கொண்டான்’ என்ற சிறுகதையும், ‘வண்ண முகங்கள்’ என்ற நாடகமும், ‘ஓவியக்கலை உலகில்’; ‘தமிழ் சினிமாவின் பரிமாணங்கள்’ என்ற புத்தகங்களும் ஜீவியால் மிகவும் சிலாகித்துச் சொல்லப்பட்டுள்ளன.    

’விட்டல் ராவ் கதைகள்’ என்ற தொகுப்பினைத்தவிர, பிறரின் கதைகளில் இவருக்குப் பிடித்தமானவற்றையெல்லாம் தொகுத்து ’இந்த நூற்றாண்டின் சிறுகதைகள்’ என்ற நூலையும் வெளியிட்டுள்ளாராம். இரு தடவைகள் இலக்கிய சிந்தனை விருதும், கணையாழி + தினமணிகதிர் பரிசுகளும் பெற்றுள்ளாராம். 

’தமிழக கோட்டைகள்’ பற்றி விட்டல்ராவ் ஆவணப்படுத்தியிருக்கும் விஷயங்களை ஜீவியின் எழுத்துக்களில் படிக்கும் பொழுது நம்மால் பிரமிக்காமல் இருக்க முடியவில்லை.

30) ’ஒரு மனிதனின் கதை’ 
சிவசங்கரி 

[பக்கம் 185 முதல் 187 வரை]

 

குடிப்பழக்கத்தின் தீமைகளைச் சுட்டிக்காட்டி சிவசங்கரி எழுதியிருந்த ‘ஒரு மனிதனின் கதை’ நாவல் ஆனந்தவிகடனில் வெளிவந்தது. இது சிவசங்கரிக்கு எழுத்துலகில் பெயர் சம்பாதித்துத் தந்த நாவல் என்றும், பிறகு அதுவே தொலைகாட்சித் தொடராகவும் வெளியானது என்கிறார் ஜீவி.  

சிவசங்கரியின் ’நெருஞ்சி முள்’; ’மெல்ல மெல்ல’; ‘கப்பல் பறவை’; 'கருணைக்கொலை'; 'மலையின் அடுத்த பக்கம்'; திரிவேணி சங்கமம்; ’பாலங்கள்’; ‘நான் நானாக’; ‘தவம்’; ’நப்பாசை’; ’அவள்’; ‘அப்பா’ போன்ற நாவல்களை ஜீவி எடுத்துக் காட்டுகிறார். 

பாலச்சந்தர் இயக்கத்தில் வெளிவந்த திரைப்படமாகிய ‘47 நாட்கள்’ சிவசங்கரியின் மறக்க முடியாத கதை. இவரது படைப்பான ‘ஒரு சிங்கம் முயலாகிறது’; ‘அவன், அவள், அது’ ஆகியவையும் திரைப்படமாகியது என்கிறார் ஜீவி. 

முப்பதுக்கும் மேற்பட்ட நாவல்களையும், எராளமான சிறுகதைகளையும் எழுதியுள்ள சிவசங்கரி இலக்கிய சிந்தனை விருதும், அவிஸ்திகா என்னும் கலைக்கான விருதும் பெற்றவர்.

இரண்டு பாரதப்பிரதமர்களையும், அன்னை தெரஸாவையும் பேட்டிகண்டு இவர் எழுதியுள்ள தொடர்கட்டுரைகள் பற்றியும் ஜீவி, அடிக்கோடிட்டு சிறப்பித்துச் சொல்லியுள்ளார். 

சமுதாய விழிப்புணர்வு கட்டுரைகளையும் எழுதியவர் சிவசங்கரி. அவரது 'சின்ன நூற்கண்டா நம்மை சிறைப்படுத்துவது' என்ற தற்சார்பு கட்டுரைகள் பற்றியும், இவர் நிறுவியுள்ள அக்னி (Awakened Groups for National Integration) என்னும் அமைப்பையும் ஜீவி தவறாமல் குறிப்பிடுகிறார். 

இன்றைய வளரும் எழுத்தாளர்களும், பதிவர்களும் அவசியமாக இந்த நூலினை வாங்கிப்படித்துத் தங்களிடம் பொக்கிஷமாக வைத்துப் பாதுகாத்து வர வேண்டும் என்பது என் தனிப்பட்ட விருப்பமாகும். 

என்றும் அன்புடன் தங்கள்,

(வை. கோபாலகிருஷ்ணன்)

தொடரும்

  

இதன் அடுத்த பகுதியில் 

இடம்பெறப்போகும் 

இரு பிரபல எழுத்தாளர்கள்:     

  

   வெளியீடு: 15.04.2016 பிற்பகல் 3 மணிக்கு.

காணத் தவறாதீர்கள் !

கருத்தளிக்க மறவாதீர்கள் !! 

 

அனைவருக்கும் என் இனிய 

தமிழ்ப் புத்தாண்டு நல்வாழ்த்துகள்.

14.04.2016 வியாழக்கிழமை 

பிறக்கும் தமிழ் புத்தாண்டின் பெயர்: 

துர்(ன்)முகி

”துர்முகி” என்ற பெயர் தாங்கி வருகிறதே, அது எப்படியிருக்குமோ என்று கலங்க வேண்டியதில்லை. “துர்முகி” என்றிருக்கிறதே என்ற அச்சமும் பலருக்கு உள்ளது ! 

ஒவ்வொரு தமிழ்ப் புத்தாண்டின் பெயரிலும் ஒவ்வொரு சூட்சுமம் அடங்கியுள்ளது. துர்முகி புத்தாண்டின் பெயரில்தான் அப்படி என்ன சூட்சுமம் உள்ளது என்பதைப் பார்ப்போம். 

”துர்முக” என்றால் குதிரை என்று அர்த்தம். துர்முகி தமிழ்ப்புத்தாண்டு முழுவதும் சுக்கிரனின் ஆதிக்கத்தில் உள்ளது. இந்த ஆண்டின் ராஜா: சுக்கிரன். 

இந்த ஆண்டு ராஜா சுக்கிரனுக்கு அடுத்ததாக ஆதிக்கமும், அதிகாரமும் பெறுவது, கல்விக்கு அதிபதியான புதன் பகவான். இந்த ஆண்டுக்கான மந்திரி, ஸேனாதிபதி, அர்க்காதிபதி, மேகாதிபதி (PRIME MINISTER, COMMANDER-IN-CHIEF, LORD OF PULSES AND LORD OF CLOUDS) ஆகிய அனைத்துமே புதன் பகவானாகும். 

புதனின் அதிதேவதை ஸ்ரீ ஹயக்கீரீவர். ஞானம், கல்வி, அறிவாற்றல், ஒழுக்கம், நேர்மை ஆகியவற்றை அளிப்பவர் இவர்தான்.  

இந்த துர்முகி ஆண்டு முழுவதும் ஸ்ரீ ஹயக்ரீவரின் சக்தியே மக்களுக்குத் துணையிருந்து வழிகாட்ட இருப்பதால், ஸ்ரீ ஹயக்ரீவ பகவானின் பெண்ணாகிய இப்புத்தாண்டுக்கு “துர்முகி” என்ற பெயர் ஏற்பட்டுள்ளது.  

அதாவது பரி (குதிரை) முகத்தைக் கொண்டுள்ள ஸ்ரீ ஹயக்ரீவரின் அனுக்கிரஹத்தை அள்ளித்தரப் போகும் ஆண்டாகத் திகழப் போவதை ’துர்முகி’ என்ற பெயர் சூட்சுமமாக எடுத்துக்காட்டுகிறது.

துர்முகி வருஷ கந்தாய பலன்கள் 

[ஒவ்வொருவர் நக்ஷத்திரத்திற்கும் தனித்தனியே]

{பாம்பு பஞ்சாங்கம் என்று அழைக்கப்படும், 

அசல் 28 ஆம் நம்பர் வாக்கிய பஞ்சாங்கத்தில் 

10 ஆம் பக்கத்தில் கீழ்க்கண்ட விஷயங்கள் அச்சிடப்பட்டுள்ளன}

அஸ்வினி 7-1-1                  மகம் 2-1-3                  மூலம் 5-1-0
பரணி 2-2-4                          பூரம் 5-2-1                   பூராடம் 0-2-3
கார்த்திகை 5-0-2               உத்திரம் 0-0-4            உத்ராடம் 3-0-1
ரோஹினி 0-1-0                  ஹஸ்தம் 3-1-2         திருவோணம் 6-1-4 
மிருகசீர்ஷம் 3-2-3            சித்திரை 6-2-0           அவிட்டம் 1-2-2
திருவாதரை 6-0-1             ஸ்வாதி 1-0-3            சதயம் 4-0-0
புனர்பூசம் 1-1-4                  விசாகம் 4-1-1           பூரட்டாதி 7-1-3
பூசம் 4-2-2                            அனுஷம் 7-2-4         உத்ரட்டாதி 2-2-1
ஆயில்யம் 7-0-0                 கேட்டை 2-0-2          ரேவதி 5-0-4

முதல் 0 க்கு, முதல் 4 மாதங்களுக்கு வியாதியும்

இரண்டாவது 0 க்கு, அடுத்த 4 மாதங்கள் வரை பயமும்

மூன்றாவது 0 க்கு, கடைசி 4 மாதங்கள் கடனும் ஏற்படுமாம்.

ஒற்றைப்படை இலக்கமாயின் தன லாபமாம்.

இரட்டைப்படை இலக்கமாயின் 

லாப நஷ்டங்கள் / வரவு செலவுகள் சமமாக இருக்குமாம்.

மூன்றிலும் பூஜ்யமாகின் நிஷ்பலனாம்.

மூன்றிலும் பூஜ்யம் இல்லாமல் இருப்பது நன்மையாம்.

இதிலிருந்து தெரியவருவது :-

அஸ்வினி + பூரட்டாதி ஆகிய நக்ஷத்திரத்தில் பிறந்தவர்கள் இந்தப் புதிய 

“துர்முகி” ஆண்டில் மிகவும் அதிர்ஷ்டசாலிகள்!

பரணி, மிருகசீர்ஷம், புனர்பூசம், பூசம், மகம், பூரம், ஹஸ்தம், விசாகம், அனுஷம், திருவோணம், அவிட்டம், உத்திரட்டாதி ஆகிய நக்ஷத்திரத்தில் பிறந்தவர்களும் அதிர்ஷ்டசாலிகளே!! 

[மற்ற நக்ஷத்திரக்காரர்களுக்கு ஏதாவது ஒரு நாலு மாதமாவது கொஞ்சம் கஷ்டப்பட வேண்டியிருக்கலாம் எனத்தெரிகிறது. பிறகு அதுவே அவர்களுக்கு பழகிவிடலாம். அல்லது அதன் பிறகு சுகம் ஏற்படலாம். அதனால் யாரும் எதற்கும் கவலையே பட வேண்டாம்.]

oooooooOooooooo

என்றும் அன்புடன் தங்கள்,

(வை. கோபாலகிருஷ்ணன்)