பனை [பண] விசிறி !

தொடர்ந்திடும் ...... 

மேலும் சில பதிவர் சந்திப்புக்கள் !

என் மீது தனிபிரியம் கொண்டுள்ள,  நம் ”மணம் (மனம்) வீசும்” பதிவர் http://manammanamviisum.blogspot.in/ அன்புச் சகோதரி திருமதி ஜெயந்தி ரமணி அவர்களின் ஒரே அன்பு மகளுக்கு 21.02.2014 அன்று சென்னையில் வெகு விமரிசையாக திருமணம் நடைபெற்றது. அதைப்பற்றி நான் என் பதிவினில் எழுதியிருந்தேன்.  

தலைப்பு:

“பூம்..பூம்..பூம் மாட்டுக்காரன் தெருவில் வந்தான்டி ! “ 

இணைப்பு இதோ: 

http://gopu1949.blogspot.in/2014/02/blog-post.html 

    

அந்த இனிய திருமண நிகழ்ச்சிக்கு என்னால் நேரில் சென்று கலந்து கொள்ள இயலாமல் போய் விட்டது. 

அதுபோல ஒரு ஏழெட்டு மாதங்களுக்கு முன்பு திருமதி ஜெயந்தி ரமணி தம்பதிக்கு நடைபெற்ற “சஷ்டியப்த பூர்த்தி” விழாவிலும் என்னால் நேரில் சென்று கலந்து கொள்ள இயலாமல் போய்விட்டது.

அந்த அவர்களின் மங்களகரமான சஷ்டியப்தபூர்த்தி நிகழ்ச்சிக்கும் நான் ஒரு சிறப்புப் பதிவு கொடுத்திருந்தேன்.  

அந்தப் பதிவின் பின்னூட்டங்களின் 

மொத்த எண்ணிக்கை மட்டும்: 211

தலைப்பு: “அறுபதிலும் ஆசை வரும்” 

இணைப்பு: http://gopu1949.blogspot.in/2013/08/blog-post_15.html 

 

மேற்படி இரு விழாக்களிலும் நேரில் சென்று கலந்துகொண்டு தம்பதியினரை வாழ்த்தி கெளரவிக்க முடியாமல் போய்விட்டதே என்ற தாபம் மட்டும் என் மனதில் இருந்து வந்தது.   

அதனால் என்ன ?  நாங்களே நேரில் வந்து தங்களிடம் ஆசிகள் பெற்றுக் கொள்கிறோம் என்று சொல்லி, இவ்விரு தம்பதிகள் மட்டுமின்றி, அவர்களின் சம்பந்தியான மற்றொரு தம்பதியையும் அழைத்துக்கொண்டு, என் இல்லத்திற்கு விஜயம் செய்து நமஸ்கரித்து ஆசிபெற்று மகிழ்வித்துச் சென்றார்கள்.  

21.02.2014 அன்று சென்னையில் திருமணம் ஆன ஜோடியை அடுத்த ஐந்தாவது நாளே அதாவது 25.02.2014 அன்றே திருச்சியில் உள்ள என் இல்லத்துக்கு அழைத்து வந்தது, எனக்கு மிகவும் சந்தோஷமாகவும் ஆச்சர்யமாகவும் இருந்தது. 

ஹாரத்தி சுற்றி அவர்களை வரவேற்று, ஏதோ என்னால் இயன்ற அளவில் என் அன்புச் சகோதரிக்கும், அவர் கணவருக்கும், புதுமணப் பெண்ணுக்கும், மாப்பிள்ளை அவர்களுக்கும், மாப்பிள்ளையின் பெற்றோர்களுக்கும், மரியாதை செய்து அனுப்பி வைத்தேன்.  

அப்போது எடுக்கப்பட்ட ஒருசில புகைப்படங்கள் இதோ .... தங்களின் பார்வைக்காக.

புகைப்படங்கள் எடுக்கப்பட்ட நாள்: 25.02.2014

இடம்: அடியேன் வீட்டு அடசல்களுக்கு நடுவில்

 

திருமதி ஜெயந்தி அவர்களின் 

அன்பு மகள் + மாப்பிள்ளை

[21.02.2014 அன்று திருமணமான ஜோடி.]

அமர்ந்திருக்கும் வெள்ளை சட்டைக்காரர்

திரு. ரமணி அவர்கள், 

அருகே முன்னால் நிற்பவர் 

திருமதி ஜெயந்தி ரமணி அவர்கள்

பின்னால் நிற்பவர்கள் 

திரு. ஜெயந்தி ரமணி அவர்களின் சம்பந்திகள்

 

“எங்கெங்கும் ... எப்போதும் ... என்னோடு”

சிறுகதைத்தொகுப்பு நூல்

மூன்று ஜோடிகளுக்கும் 

அடியேன் கையொப்பத்துடன்

அன்பளிப்பாக வழங்கப்பட்டன.

முழு நேர மின்தடை அமுலில் இருந்த நாளில்

மதியம் கடும் வெயில் வேளையில் 
இவர்களின் வருகை அமைந்துவிட்டதால் - 

ஜில்லென்ற மேங்கோ ஜூஸும்

ஆளுக்கு ஒரு விசிறியும் தந்ததில் 

அவர்களுக்கோர்  கூடுதல் மகிழ்ச்சி.

இதோ அந்த விசிறிகளின் மாதிரிப்படங்கள்: 

 

அன்புள்ள ஜெயந்தி  !

என் இல்லத்திற்கு தங்கள் கணவருடனும்

அன்பு மகளுடனும் மாப்பிள்ளையுடனும்

சம்பந்தி மாமா + மாமியுடனும்

வருகை தந்து மகிழ்வித்ததற்கு 

என் மனம் நிறைந்த 

இனிய அன்பு நன்றிகள் 

என் வலைத்தளத்தில் 
’சிறுகதை விமர்சனப்போட்டி’
மும்முரமாக நடைபெற்று வருவதால்
இந்தப்பதிவு கொடுக்க தாமதமாகிவிட்டது.

மேலும் வரும் 02.04.2014 அன்று  
கோவையிலிருந்து
பிரபல பதிவர் ஒருவர்  குடும்பத்துடன்
என் இல்லத்திற்கு வருகை தர உள்ளார்கள்.

அவர்களின் வருகையையும் பதிவிட வேண்டும் 
என்பதால் இதை இப்போது 
அவசரமாக வெளியிட்டுள்ளேன்.

பிரியமுள்ள கோபு அண்ணா

-oOo-