மலரும் நினைவுகள் - பகுதி 3 [ என்னை வரவேற்ற எழுத்துலகம் ]

மலரும் நினைவுகள்

என்னை வரவேற்ற எழுத்துலகம்

ஸ்ரீராம் சிட்ஸ் நிறுவனம் அகில இந்திய அளவில் 

1999 இல் சிறுசேமிப்பு பற்றிய கட்டுரைப்போட்டி அறிவித்திருந்தது.  

நிபந்தனை: திருமணம் ஆகி 25 ஆண்டுகள் 

நிறைவு பெற்றவர்கள் கலந்து கொள்ளலாம். 

கட்டுரைத்தலைப்பு:  

”25 ஆண்டு கால இல்வாழ்க்கையில் உங்களுக்கு ஏற்பட்ட 

சுகங்களும் சோகங்களும் - 

அதை நீங்கள் எவ்வாறு எதிர்கொண்டீர்கள்/சமாளித்தீர்கள் ?”

என் மனைவி பெயரில் கலந்துகொண்ட என் கட்டுரை,

அகில இந்திய அளவில்   முதல் பரிசான -  தங்க நெக்லஸ் வென்றது.

பரிசளிப்பு விழா நடைபெற்ற நாள்: 27 07 1999

AT  "HOTEL FEMINA" TIRUCHI JUNCTION  

-o-o-o-o-o-

உலகத்தமிழ் எழுத்தாளர் சங்கத்தில் உறுப்பினராகச் சேர்ந்தபோது

-o-o-o-o-o-

மும்பையில் தேசிய விருது வழங்கப்பட்டபோது

NATIONAL AWARD   --  FIRST PRIZE For my entry  in Poster + Slogan Contest of 

Indian National Suggestion Schemes Association [ INSSAN ]. 

Mr. S.D.Deshpande, Vice President of M/s. Tata Power Corporation is presenting this Prestigious 

National Award [ Medal + Certificate] at Mumbai on 18.12.2004  

-o-o-o-o-o-

என்னால் முதன் முதலாக எழுதப்பட்ட “தாயுமானவள்” சிறுகதை, 

06.11.2005 தினமலர்-வாரமலரில், 

என் புகைப்படத்துடனும் சுயவிபரக்குறிப்புகளுடன் வெளியிடப்பட்டது.

தினமலர் நிறுவனர் அமரர் டி.வி.ஆர். நினைவுப்பரிசினை வென்றது.

நூற்றுக்கணக்கானவர்களின் பாராட்டுக்களை நேரிலும், 

தபால் மூலவும், தொலைபேசி மூலமும் பெற்றுக்கொடுத்தது.

அதுமட்டுமல்ல; 

என்னுடன் ஒரே அலுவலகத்தில் ஒரே துறையில், 

வேறு பிரிவில் பணியாற்றி, ஆனால் ஒருவருக்கொருவர் 

அதிக அறிமுகம் இல்லாது இருந்து வந்த,  

பிரபல எழுத்தாளர் திரு. ரிஷபன் அவர்களின் 

கருணைப்பார்வையை என் மீது விழச்செய்தது.

அதன் பிறகு அவரின் தொடர்ச்சியான தூண்டுகோலும், 

அவர் தொடர்ந்து அளித்த வந்த உற்சாகங்களுமே 

நான் சோர்வில்லாமல் தொடர்ந்து எழுதக் காரணமாக அமைந்தது.

பொதுவாக நாம் எல்லோரும் படைப்பாளிகள் என்றாலும்

திரு ரிஷபன் அவர்கள், தன் படைப்புகளை மட்டுமின்றி, 

பல படைப்பாளிகளையும் உருவாக்கும் 

தனித்திறமை படைத்தவர் என்பது என் கருத்து.

போட்டி பொறாமை நிறைந்த எழுத்துலகில் 

இப்படியும் ஆங்காங்கே சில தங்கமான மனிதர்கள்!

  

திரு ரிஷபன் அவர்களுக்கு இதன் மூலம் என் நன்றி கலந்த 

வணக்கங்களை மீண்டும் தெரிவித்துக்கொள்கிறேன்.  

-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o--o-o-o-o-o-

 NATIONAL AWARD   --  FIRST PRIZE For my entry  in Poster + Slogan Contest of 

Indian National Suggestion Schemes Association [ INSSAN ].  

Mr. N.K.Punwani, CEO M/s. Tata Group of Companies is presenting this Prestigious 

National Award [Gold Medal + Certificate] at Jamshedpur on 03.02.2007 

-o-o-o-o-o-

தேசிய விருதுக்கான பத்திரமும் பதக்கமும்

-o-o-o-o-o-

லண்டனிலிருந்து வெளிவரும் “புதினம்” இதழ் 2006 ஆம் ஆண்டு நடத்திய உலகளாவிய சிறுகதைப் போட்டியில் பரிசுபெற்ற 

என் “அஞ்சலை” சிறுகதை இடம்பெற்றுள்ள புத்தகம்

-o-o-o-o-o-

சென்னையைச் சார்ந்த ”ஸ்ரீ சங்கர பக்தஜன ஸபா” 2007 ஆம் ஆண்டு 

”ஆதி சங்கரரின் வாழ்வும் வாக்கும்” 

என்ற தலைப்பில் பள்ளிச்சிறுவர்கள் இரண்டரை மணி நேரம்,  

பங்குபெற்று நடிக்கும் விதமாக நாடகம் எழுதித்தர, 

போட்டிஅறிவிப்பு ஒன்று வெளியிட்டிருந்தது.  

அதில் நான் கலந்து கொண்டதில், 

வந்திருந்த 500க்கும் மேற்பட்ட படைப்புக்களில், என்னுடைய படைப்பு அகில இந்திய அளவில் மூன்றாம் பரிசு க்குத் தேர்வாகி, 

சென்னை தியாகராய நகரில் உள்ள வாணி மஹாலில் 

03.10.2007 அன்று நடைபெற்ற மிகப்பெரிய விழாவில் 

ரூபாய் 5000 ரொக்கப் பரிசளிக்கப்பட்டது.   

இந்த என் சாதனையைப் பாராட்டி, திருச்சி மாவட்ட எழுத்தாளர் சங்கம் 

பாராட்டு விழா ஒன்று 16.10.2007 அன்று ஏற்பாடு செய்திருந்தது.  

அதில் பட்டிமன்றங்கள் பலவற்றில் நடுவராகத்தோன்றுபவரும், புகழ்பெற்ற தமிழ்ப் பேராசிரியருமான திரு. சோ. சத்தியசீலன் அவர்கள்

திருக்கரங்களால் பொன்னாடை போற்றி கெளரவிக்கப்பட்டது.

-o-o-o-o-o-o-

தொழிலகப்பாதுகாப்பு விழிப்புணர்வு விழாவில் 

தமிழ் சிறப்பு வாக்யத்திற்கு (SLOGAN) முதல் பரிசு 26.05.2008 அன்று 

Mr.S.Rathinam, Dy.  Chief  Inspector of  Factories அவர்களால் வழங்கப்பட்டது 

-o-o-o-o-o-

தொழிலகப்பாதுகாப்பு விழிப்புணர்வு விழாவில் 

தமிழ் கவிதைக்கு இரண்டாம் பரிசு

26.05.2008 அன்று Mr.S.Rathinam,  Dy. Chief  Inspector of  Factories 

அவர்களால் வழங்கப்பட்டது 

-o-o-o-o-o-

 38 ஆண்டுகளுக்கு மேல் நான் பணியாற்றிய 

BHEL ஐப்பற்றி அடியேன் எழுதியக்கவிதை,  

BHEL House Journal ஆன "BHEL KIRAN 2008" இல் வெளியிடப்பட்டது.  

2009 ஆம் ஆண்டு என் பணி ஓய்வுக்குப்பிறகு, 

இந்த என் கவிதை, BHEL நிர்வாகத்தால் 

இசை அமைக்க ஏற்பாடு செய்யப்பட்டு CD ஆக, 

தமிழ், ஹிந்தி, கன்னடம், தெலுங்கு, மலையாளம் 

ஆகிய ஐந்து மொழிகளிலும்,

   அதுதவிர தனியாக பில்லங்குழல் இசையிலும் வெளியிடப்பட்டு, 

இந்தியாவில் உள்ள அனைத்து BHEL 

யூனிட்களுக்கும்,  வழங்கப்பட்டுள்ளது.

இதை BHEL நிர்வாகம் எனக்களித்த மிகப்பெரிய 
அங்கீகாரமாக எண்ணி மகிழ்கிறேன். 

BHEL Song | Muziboo

நம் ஆலை ஓர் ஆலயம் [கவிதை]

பாரத மிகுமின் தொழிலகமே

பாரினில் நல்ல எழிலகமே

இதில் உழைப்பவர் நாங்கள் அரை லட்சம்

பலனில் பிழைப்பவர் உலகில் பல லட்சம்

தரத்தினில் நாங்கள் தங்கமென்று

தரணியில் புகழை எட்டிவிட்டோம்

இந்தியத் திருநாட்டின் ஆலை இது

நெஞ்சில் நவரத்தினம் பதித்த மாலை இது

ஜாதி மத இன மொழி நிற பேதமின்றி

அனைவரும் பழகிடும் பசுஞ்சோலை இது

சோதனை பலவும் பார்த்து விட்டோம்

சாதனை பலவும் புரிந்து விட்டோம்

வேதனை என்றும் பட்டதில்லை

வெற்றிகள் எட்டாமல் விட்டதில்லை

அனுதினமும் திட்டங்கள் பல தீட்டிடுவோம்

அனைவரும் ஒன்றுபட்டு செயலாற்றிடுவோம்

உழைப்பினில் கவனம் செலுத்திடுவோம்

உற்பத்தி இலக்கினை எட்டிடுவோம்

உலகச்சந்தையில் போட்டியிட்டு

உன்னத ஆணைகள் பெற்றுவிட்டோம்

மின்னொளிச் சாதனச் சந்தையிலே

என்றும் முன்னனியாகத் திகழ்கின்றோம்

நம் நிறுவனத்தின் நல்ல வளர்ச்சி போலவே

நாமும் இன்று வளர்ந்து விட்டோம்

வி சா ல மா ன ஆலையில் உழைத்தே, நாம்

வி லா ச மு ள் ள வ ர்  ஆகி உள்ளோம்

வளரட்டும் நம் ஆலை - வாழட்டும் நம் மக்கள்

மலரட்டும் நம் வாழ்வு - மகிழட்டும் நம் மனது

இன்றுபோல் என்றும் நாம்

இன்புற்று வாழ்ந்திடுவோம்

தாய்போல் நம்மை வளர்த்த 

நம் ஆலையை

தலையால் வணங்கிடுவோம் 

ஓர் ஆலயமாய்.

-oOo-

-o-o-o-o-o-

சுபம்