26] குறையொன்றும் இல்லை

2

ஸ்ரீராமஜயம்

வெளிப்பொருள் ஏதோ கிடைக்காததால் நமக்குக்குறை வந்து விட்டதாக துக்கப்படுவது சுத்த தப்பு.  நமக்குக்குறையே இல்லை.  நமக்குள் நாமே பூரணப்பொருள். 

நமக்கு அந்நியமாக வெளி என்றே ஒன்றும் இல்லை. வெளியிலே இருக்கிற அத்தனை ஆனந்தமும் நமக்குள்ளேயே அடக்கம்.

கோபத்திலே பல பாபங்களைச் செய்கிறோம். கோபத்திற்கு காரணம் ஆசை. காமம். 

காமத்தை, ஆசையை ஒழிக்க வேண்டும். பற்றை நிறைய வளர்த்துக்கொண்டு காரியம் செய்யாமல் இருப்பது என்பது முடியாது. பற்றை ஒழித்துவிட்டால் பாபம் செய்யாமல் இருக்கலாம்.

வெளிப்பொருள்களிலிருந்து நமக்கு ஆனந்தம் வரவில்லை. நம்மிடமிருந்தே தான் ஆனந்தம் பிறக்கிறது.

oooooOooooo

அற்புத நிகழ்வுகள் 

வில்வ இலைகளை 

வைத்து விட்டுப்போனது யார்?

மஹாஸ்வாமிகளை உருக வைத்த நிகழ்ச்சி.

[பகுதி-1  படிக்க:  http://gopu1949.blogspot.in/2013/07/21.html  ]

[பகுதி-2  படிக்க:  http://gopu1949.blogspot.in/2013/07/22.html  ]     

[பகுதி-3  படிக்க:  http://gopu1949.blogspot.in/2013/07/23.html  ]   

[பகுதி-4  படிக்க:  http://gopu1949.blogspot.in/2013/07/24.html ]   

பகுதி 5  of  9

மதியம் 3.00 மணி. அந்த சிறுவன் சொன்னபடி வந்து சேர்ந்தான். தயங்கியபடியே முற்றத்துச் சுவர் ஓரம் நின்றிருந்த அவனைக்காட்டி, ஸ்வாமிகளிடம் ஏதோ கூறினார் ஸ்ரீகார்யம். 

அவனைக்கிட்டே வரும்படி ஸ்வாமிகள் அழைத்தார். அருகே வந்தவன், சாஷ்டாங்கமாக விழுந்து நமஸ்கரித்துவிட்டு, கைகட்டி நின்றான்.

அவனது தோற்றத்தைப் பார்த்த ஆச்சார்யாளுக்கு சிரிப்பு வந்து விட்டது.  எண்ணெய் தடவி வாரி முடிந்த கட்டுக்குடுமி, மூலக்கச்சமாக வெள்ளை வேஷ்டி கட்டி இருந்தான். நெற்றி, உடம்பில் விபூதிப்பட்டை. பளிச்சென்று இருந்தான்.   

அவனை முற்றத்தில் அமரும்படி சைகை காட்டிச்சொன்னார் ஸ்வாமிகள்.  ஆனால் அவன் அமரவில்லை.

”பேரு என்ன?” ஸ்வாமிகள் தெலுங்கில் கேட்டார்.

அவன், ‘புரந்தரகேசவலு’ என்று ஸ்பஷ்டமாகத் தமிழில் பதில் சொன்னான். 

உடனே ஆச்சார்யாள் ஆச்சர்யத்தோடு, “பேஷ்.... நன்னா தமிழ் பேசறியே நீ!’” ன்னு கேட்டுவிட்டு, ”என்ன ... என்ன பேரு சொன்னே?” என்று மீண்டும் கேட்டார்.

“புரந்தரகேசவலுங்க!” - நிறுத்தி நிதானமாகக் கூறினான அந்தச் சிறுவன்.

”தமிழ்ல பேசறியே நீ?” என்று புருவங்களை உயர்த்தினார் ஆச்சார்யாள்”

“என் கதையை நீங்க கேக்கணும்ங்க சாமி.....” அவன் கண்களில் நீர் கோர்த்தது.

”பேஷா .... சொல்லு ... சொல்லு...” - அவனை உற்சாகப்படுத்தினார் ஸ்வாமிகள். 

புரந்தரகேசவலு தன் கதையைச் சொல்ல ஆரம்பித்தான்:

தொடரும்......

oooooOooooo

தேடினேன் ...... வந்தது !

நாடினேன் ........ தந்தது !!

வாசலில் ........ நின்றது !!!

வாழவா ....... என்றது !!!!

இப்படி, ஜாலியாகப் பாட்டுப்பாடிக்கொண்டிருக்கும் அந்த இளம்பெண் [பதிவர்] யார்? 

அவர் வேறு யாருமில்லை. 

நம் பதிவர் செல்வி. ’யுவராணி தமிழரசன்’ அவர்கள் தான். 

வலைத்தளத்தின் பெயர்: ’கிறுக்கல்கள்’

அவருக்கு என்ன அப்படியோர் திடீர் சந்தோஷம் ஏற்பட்டுள்ளது? 

விடை காண விரும்புவோர், முதலில் கீழே உள்ளவற்றைப் பொறுமையாகப் படியுங்கள்.

http://www.blogintamil.blogspot.in/2012/11/blog-post_19.html

வலைச்சரத்தின் [19.11.2012 - 25.11.2012] ஆசிரியர் யுவராணி தமிழரசன் எழுதியுள்ளவை:

என் மீது நம்பிக்கை வைத்து பரிந்துரைத்து வாய்ப்பினை ஏற்படுத்திக்கொடுத்த திரு.வை.கோபாலகிருஷ்ணன் ஐயா அவர்களுக்கும், வாய்ப்பளித்த திரு.சீனா ஐயா அவர்களுக்கும் எனது மனமார்ந்த நன்றிகள்!
               

கிறுக்கல்களை ரசித்து வண்ணத்தீட்டல்களால் அவ்வப்போது என்னை ஊக்கப்படுத்திப்போகும் அழகிய ஓவியங்களுக்கு எனது நன்றிகள் என்றென்றும்!

இங்கு என்னை அறிமுகப்படுத்திக்கொள்ள நான்  யுவராணி தமிழரசன் . ஈரோடு மாவட்டத்தில் உள்ள சத்தியமங்கலத்தை சேர்ந்தவள்! (அதே சந்தனக்கடத்தல் வீரப்பன் வாழ்ந்த ஊரே தான்).

பயில்வது இறுதி ஆண்டு முதுகலை கணிப்பொறி பயன்பாட்டியல். 

15 வயதில் கவிதைகளென கிறுக்க ஆரம்பித்து பின் கல்லூரி சேர்ந்த பிறகே கிறுக்கியதை செதுக்கி உயிர்பிக்க ஆரம்பித்தேன். உயிர்பித்து அறிமுகப்படுத்த தவித்திருக்கையில் தோழியின் சொல் கேட்டு வலையுலகத்தில் கால் பதித்தேன். இன்று ஓராண்டை கடந்து போகும் என் பதிவுலக பயணம் கற்றுக்கொடுத்தவை ஏராளம். 

தேர்ந்தெடுத்தது தகவல் தொழில் நுட்பத்துறை என்றாலும் எனது கனவுகளும் ஆசைகளும் அணைத்துக்கொண்டு அடையத்துடிப்பது வங்கித் துறையின் வேலைவாய்ப்பினை தான். 

சரியான வழிநடத்துதலும் ஆலோசனைகளும் இன்றி வேறு துறையில் கல்வி பயின்றும் இன்றும் கூகிளின் துணையோடும் சில நட்பு வட்டங்களின் துணையோடும் முயற்சித்தும் என்னால் நான் விரும்பும் வங்கித்துறையில் வேலை வாய்ப்பினை ஏற்படுத்திக்கொள்ள முடியவில்லையா? இல்லை கிடைக்கும் வாய்ப்பினை எனதாக்கிக்கொள்ள தெரியவில்லையா? என அறியத்தவித்தும் தகவல் தொழில்நுட்பத்துறையில் வளாகத்தேர்வில் வேலை பெற்று இன்னும் சில மாதங்களில் வேலைக்குச் சேரப்போகிறேன். 

நினைத்தது அனைத்தும் கிடைத்துவிட்டால் வாழ்க்கை அவ்வளவு சுவாரஸ்யமாக இருக்காது என்பதில் எனக்கு என்றும் நம்பிக்கையுண்டு 

அதனால் சூழலுக்கு ஏற்ப வாழப்பழக எளிதாகும். மேலும் உகந்த உழைப்பின்றி கிடைக்கும் அனைத்து வெற்றிகளும் சந்தோஷத்தை அளித்தாலும் அது மேலும் அடுத்த கட்ட பயணத்தை தளர்த்தச்செய்து வெற்றிப்படிகளை விலக்கி வைக்கும்.

அதனால் இப்போதைக்கு எதை பற்றியும் கவலைப்படாமல் நேற்று முடிந்த பரிட்சையோடு எனது இரண்டரை ஆண்டு முதுகலை பட்டத்தை முடித்துவிட்டு அடுத்த ஆறுமாதங்கள் செய்யவேண்டிய பிராஜக்ட் -க்கு நான் வேலைக்கு தேர்வாகி உள்ள நிறுவனத்தின் பதிலுக்காக காத்திருக்கிறேன் எனது கல்லூரி வாழ்க்கையின் கடைசி துளியை அனுபவித்தபடி.

   

அதிகம் படிக்கப்பட்ட எனது பதிவுகள் இதோ!

 அவளும் நானும்!
 விந்தையான பூமியின் சாலையோரப்பூக்கள்!

 கத்தியின்றி ரத்தமின்றி!
இன்னும் இருக்கிறார்கள்!

 என் கல்லூரி சாலை!

 எங்கே(எவற்றை) விலை பேசுகிறோம் நாம்?

ooooooooooooOoooooooooooo

November 19, 2012 at 10:45:00 AM GMT+5:30 

வை.கோபாலகிருஷ்ணன் said...

// சரியான வழிநடத்துதலும் ஆலோசனைகளும் இன்றி வேறு துறையில் கல்வி பயின்றும் இன்றும் கூகிளின் துணையோடும் சில நட்பு வட்டங்களின் துணையோடும் முயற்சித்தும் என்னால் நான் விரும்பும் வங்கித்துறையில் வேலை வாய்ப்பினை ஏற்படுத்திக்கொள்ள முடியவில்லையா? இல்லை கிடைக்கும் வாய்ப்பினை எனதாக்கிக்கொள்ள தெரியவில்லையா?//

என்னால் முடிந்த ஒருசில வழிகாட்டுதலும், ஆலோசனைகளும் தங்களுக்கு விரைவில் மெயில் மூலம் அனுப்பி வைக்கப்படும். 

ஒரு வேளை அதன் மூலம் தாங்கள் விரும்பும் வங்கித்துறை வேலை வாய்ப்புகள் நிச்சயம் உங்களுக்குக் கிடைக்கக்கூடும் என்ற நம்பிக்கை எனக்கு உள்ளது. 

அதனால் மனதை மகிழ்ச்சியாக வைத்துக்கொள்ளுங்கள். 

நாம் எதுவாக வேண்டும் என நம் ஆழ்மனதினில் நினைக்கிறோமோ, அதற்கான முழு முயற்சிகளில் தொடர்ந்து நாம் ஈடுபடுகிறோமோ, வெகு விரைவில் அதுவாகவே ஆகிவிடுவோம் என்பதே வாழ்க்கையின் இரகசியமாகும். 

அதனால் தாங்கள் நியாயமாக நினைப்பது யாவும் நிச்சயமாக நடக்கும். 

அதற்கு என் மனமார்ந்த ஆசிகளும் வாழ்த்துகளும்.

அன்புடன் VGK

-=-=-=-=-=-=-=-=-=-=-

http://gopu1949.blogspot.in/2012/03/4.html

யுவராணி தமிழரசன்November 29, 2012 at 7:52 AM

தங்களைப்பற்றி தெரிந்து கொள்ள ஒன்றொன்றும் என்னை வியக்க வைக்கிறது சார். தங்களது நட்பு கிடைத்தது என்னை மிகுந்த மகிழ்ச்சியில் ஆழ்த்துகிறது! தங்களின் ஆசிர்வாதம் அனைத்து வளர்ந்து வரும் எதிர்கால தலைமுறைக்கும் அவசியம் தேவை! 

வை.கோபாலகிருஷ்ணன்November 29, 2012 at 10:05 AM

வாங்கோ யுவராணி, வணக்கம்.

//தங்களிடம் சொன்னதே தான் சார்! இருப்பவர்கள் அனைவருக்கும் கொடுத்துதவ மனம் வருவதில்லை! ஆனால் என்ன ஏதென்று கூட கேட்காமல் தாங்கள் கொடுத்துதவிய பணம் ஒருவரின் வாழ்க்கையையே மாற்றி அமைத்திருக்கிறது என்பதை கேட்க மகிழ்ச்சியாக உள்ளது! தங்களது பணி தொடரட்டும் சார்!//


ஏதோ அன்றையதினம் என்னிடம் ரொக்கமாக வீட்டில் பணம் இருந்தது.

இவர் தன் பெண்ணை எஞ்சினீரிங் காலேஜ் சேர்க்க பணம் கேட்டு என்னிடம் வந்தாலும் வரலாம் என வேறொரு நண்பர் எனக்கு தொலைபேசி மூலம் தெரிவித்திருந்தார்.

என்னுடன் SSLC வரை ஒன்றாகவே படித்தவர். எங்கள் அலுவலகத்திலேயே ஒரே துறையில் வேறு செக்‌ஷனில் பணியாற்றியவர். BHEL டவுன்ஷிப்பில் என் வீட்டு அருகிலேயே குடியிருந்தவர். எங்கள் இருவரின் மனைவிகளும் சினேகிதிகளே. [இப்போது அவரும் பணி ஓய்வு பெற்று சென்னை மேற்கு மாம்பலத்தில் உள்ளார்]

அன்று தன் பெண்ணை பொறியியல் படிப்பில் சேர்க்க வேண்டி என்னிடம் பணம் கேட்டுள்ளார்.

அதனால் படிப்பு விஷயமாக ஒரு சிறிய உதவி செய்யும் பாக்யம் எனக்குக் கிடைத்தது.

அவர்களைப்பொறுத்தவரை அது ஒரு Timely Help. பிறகு ஓரிரு மாதங்களில் பணத்தையும் Prompt ஆகத் திருப்பியளித்து விட்டார்கள்.

//எனக்கும் தங்களிடம் பேனா வாங்க ஆசையாக உள்ளது சார்! படிப்பில் சாதிக்க வேண்டிய காலம் கடந்துவிட்டாலும் பரவாயில்லை சார்! வாழ்க்கையில் சாதிக்க வேண்டிய தருணங்கள் நிறைய இருக்கிறது! தங்களை சந்திக்கும் தருணம் எனக்கு அமைந்தால் நிச்சயம் நானும் பேனா கேட்பேன்!//

சந்தோஷமாக உள்ளது யுவராணி. சந்திக்கும் தருணம் அமைந்தால், தாங்கள் ஒருவேளை கேட்க மறந்து விட்டாலும், எனக்கு ஞாபகம் வந்தால், கட்டாயம் நானே உங்களுக்குப் பேனா கொடுக்கிறேன். கவலைப்படாதீங்கோ.

நான் அளிக்கும் அதே பேனாவுடன் தாங்கள் ஓர் வங்கி அதிகாரியாக பணி ஏற்கும் வாய்ப்பு அமையலாம் என நான் நம்புகிறேன். ALL THE BEST, YUVARANI ;)))))

பிரியமுள்ள
VGK

யுவராணி தமிழரசன்January 3, 2013 at 11:51 PM

***** நான் அளிக்கும் அதே பேனாவுடன் தாங்கள் ஓர் வங்கி அதிகாரியாக பணி ஏற்கும் வாய்ப்பு அமையலாம் என நான் நம்புகிறேன். ALL THE BEST, YUVARANI ;))))) *****

மிக்க நன்றி சார்! அத்தருணத்திற்காக காத்திருக்கிறேன்!

ooooooooooo

வை.கோபாலகிருஷ்ணன்January 4, 2013 at 8:29 AM

யுவராணி தமிழரசன் January 3, 2013 11:51 PM

***** நான் அளிக்கும் அதே பேனாவுடன் தாங்கள் ஓர் வங்கி அதிகாரியாக பணி ஏற்கும் வாய்ப்பு அமையலாம் என நான் நம்புகிறேன். ALL THE BEST, YUVARANI ;))))) *****

//மிக்க நன்றி சார்! அத்தருணத்திற்காக காத்திருக்கிறேன்!//

அந்த நாளும் விரைவில் வந்திடும். கவலை வேண்டாம்.

அன்புடன்
கோபு

oooooOooooo

http://gopu1949.blogspot.in/2012/03/4.html என்ற இதே பதிவினில் புதுமுகமாக வருகை தந்து மிகச்சிறப்பாக பல்வேறு கருத்துக்கள் கூறியுள்ள Mr. Seenivasan Ramakrishnan [ORCHILD] அவர்களின், பின்னூட்டங்கள் என் மனதை மிகவும் நெகிழச்செய்தன. 

அவருக்கும் அவரின் குடும்பத்தார் அனைவருக்கும் என் மனமார்ந்த இனிய அன்பு நன்றிகள் + வாழ்த்துகள். 

மீண்டும் அடிக்கடி என் வலைப்பக்கம் வாங்கோ ..... ஐயா .... ப்ளீஸ்ஸ்ஸ்ஸ்ஸ் ஐயா. ;)))))


- பிரியமுள்ள கோபு  

oooooOooooo

செல்வி யுவராணி அவர்களுக்கு என்ன அப்படியோர் 
திடீர் சந்தோஷம் ஏற்பட்டுள்ளது, என்பதை உங்களால் 
இப்போது ஓரளவுக்கு யூகிக்க முடிந்திருக்கும்.

தேடினேன் ...... வந்தது !


என்ன வந்தது? எப்படி வந்தது?

நாடினேன் ........ தந்தது !!


எதைத்தந்தது? யார் தந்தது?

அதைப்பற்றிய முழு விபரங்களும் 
என் அடுத்த பதிவினில் சொல்லி விடுகிறேன்.

ஸ்ரீஸ்ரீஸ்ரீ மஹாபெரியவாளின் 

 ’அமுத மழை ’

தொடர்ந்து பொழியும்

இதன் தொடர்ச்சி 19.07.2013 
வெள்ளிக்கிழமை வெளியாகும்

என்றும் அன்புடன் தங்கள்

வை. கோபாலகிருஷ்ணன்