VGK 17 / 03 / 03 - THIRD PRIZE WINNER - 'சூழ்நிலை’

’சிறுகதை விமர்சனப்போட்டி’ முடிவுகள்

கதையின்  தலைப்பு 

’ VGK 17 -  சூழ்நிலை ! ’

  

எதையும் தாம் ஒருவரே தீர்மானிக்கலாம் என்று ஒரு குடும்பத்தில் சிலர் அமைந்து விடுவதில் நன்மைகளும் உண்டு; தீமைகளும் உண்டு.  எல்லாம் அந்தந்த சூழ்நிலைகளை அவரவர் கையாள்வதைப் பொருத்திருக்கிறது.  உடனடி நன்மைகள் நீண்ட கால தீமையை தன்னுள் ஒளித்து வைத்திருப்பதும் உண்டு.  எது எப்படியாயினும், நம்மை அழுத்தும் சில சூழ்நிலைகளுக்கு கைதியாக வேண்டாம்; சுதந்திர புருஷராகவும் செயல்படலாம் என்பதற்கு இந்தக் கதையின் நாயகன் எடுத்துக் காட்டோ?....

 

இணைப்பு:

http://gopu1949.blogspot.in/2014/05/vgk-17.html

மேற்படி 'சிறுகதை விமர்சனப்போட்டி'க்கு,

மிக அதிக எண்ணிக்கையில் பலரும், 

மிகுந்த ஆர்வத்துடன் பங்குகொண்டு, 

வெகு அழகாக விமர்சனங்கள் 

எழுதியனுப்பி சிறப்பித்துள்ளனர். 

அவர்கள் அனைவருக்கும் என் 

மனமார்ந்த இனிய அன்பு நன்றிகள். 

நடுவர் அவர்களால் பரிசுக்குத் 

தேர்ந்தெடுக்கப்பட்டுள்ள 

விமர்சனங்கள் மொத்தம்:  

ஐந்து

இந்தியத் தொலைகாட்சி 

வரலாற்றிலேயே 

முதன் முறையாக .... 

என்று ஏதேதோ சொல்வார்களே !

அதேபோல இதையும் படிக்கலாம். ;)

-oOo-

இந்த சிறுகதை விமர்சனப்போட்டி

வரலாற்றிலேயே முதல் முறையாக

இந்த VGK-17 ’சூழ்நிலை’ சிறுகதை 

விமர்சனங்களுக்கான பரிசுகள் அனைத்தையும்

முற்றிலும் பெண்கள் அணி மட்டுமே

பெற்றுள்ள ’சூழ்நிலை’ ஏற்பட்டுள்ளது.

மகத்தான மங்கையர் அணிக்கு நம் 

ஸ்பெஷல் பாராட்டுக்கள் + 

இனிய நல்வாழ்த்துகள்.

-oOo-

அன்புள்ள ஆண் விமர்சனதாரர்களே ! 

இது உங்களுக்கு அவர்கள் விடுத்துள்ள ஓர் சவால் அல்லவா!!

இனியாவது உஷாராகச் செயல்படுங்கள் !!!

’விழுவது மீண்டும் எழுவதற்காகவே ’

எனத் தன்னம்பிக்கையோடு செயல்படும் 

இந்தக்கிளியைப் பாருங்கோ! ;)))))

-oOo-

இந்தப் பரிசுகளை வென்றுள்ள  ஐவருக்கும் 

நம் பாராட்டுக்கள் + மனம் நிறைந்த 


இனிய  நல்வாழ்த்துகள். 

  

மற்றவர்களுக்கு: 

    

மூன்றாம் பரிசினை 

முத்தாக வென்றுள்ளவர் : 

திருமதி

 ராஜலக்ஷ்மி பரமசிவம் 


அவர்கள்

திருமதி. ராஜலக்ஷ்மி பரமசிவம் அவர்கள்

rajalakshmiparamasivam.blogspot.com

வலைத்தளம்: “அரட்டை”

 

முத்தான மூன்றாம் பரிசினை வென்றுள்ள

திருமதி.

 ராஜலக்ஷ்மி பரமசிவம் 

அவர்களின் விமர்சனம் இதோ:

கதையின் நாயகன்  மகாலிங்கம்  சுற்றியே இந்தக் கதை செல்கிறது. முதலில் படிக்க ஆரம்பிக்கும் போதே ஒரு துக்க செய்தி மகாலிங்கத்திற்கு போனில் செய்தி வருகிறது. அதற்குக் குஷியாக சிரித்துக் கொண்டே பதில் சொல்வதைப் 

பார்க்கும் போது வாசிக்கும் நானும் மகாலிங்கத்தின் குணாதிசயங்களில் 

குற்றம் கண்டேன். இப்படியும் ஒரு மனிதரா! என்கிற கோபம் தான் வந்தது. ஏன் 

இப்படிப் பேசுகிறார் என்கிற சந்தேகம் அவர் மகள் ஜெயாவிற்கு மட்டுமல்ல 

எனக்கும் தோன்றியது. மரணம்  நம் விரோதிக்கே நேர்ந்தாலும், மனம் ஒரு சில 

நிமிடங்கள் பதைபதைக்குமே! மஹாலிங்கத்திற்கோ இறந்து போனது அவர் மாமனார். 

மாமனாரிடம் மாப்பிள்ளைக்கு எவ்வளவோ  மனஸ்தாபம் இருக்கலாம். ஆனால் அதற்காக 

 இப்படியா....... மனிதாபிமானமே இல்லாதவராயிருக்கிறாரே என்று தோன்றும்படி 

கதையை ஆரம்பித்திருக்கிறார் ஆசிரியர். நமக்கே அவர் மேல் இவ்வளவு கோபம் 

வரும்போது  அவர் மனைவி ஈஸ்வரிக்கு அவர் மேல் பயங்கரக் கோபம் வந்ததில் 

வியப்பில்லை தான்.

துக்க வீட்டில்   தன மாமனாரின் இறுதிச் சடங்குகளை  செய்வதில் இவர் பங்கு 

தான் அதிகம்  என்பதை  ஈஸ்வரி உணரும்படி  செய்திருந்தால் அவளின் கோபம் 

குறைந்திருக்க வாய்ப்பு உண்டு. ஆனால் துக்க வீட்டில் இருவரும் மனம் 

விட்டுப் பேசமுடியாத நிலைமை. அதனால் தான் ஈஸ்வரி  தன கணவனைப் பற்றி ஒரு 

தவறான அபிப்பிராயம் கொண்டிருந்திருக்கிறாள்  என்பதைப் பூடகமாக ஆசிரியர் 

உணர்த்தினாலும், கதையின் விறுவிறுப்பில்  அந்த செய்தி காணாமல் போய் 

விடுகிறது. இரண்டாவது முறைப் படிக்கும் போது தான் அதை உணர்ந்தேன்.

மகாலிங்கம் நடந்து கொள்வதற்கு வேறு காரணம் இருக்கிறது என்பதை 

வெளிப்படையாக சொல்லாமல் அதே சமயம் உணர்த்தும் விதமாக ஓரிரு வரி 

எழுதியிருப்பது  கதையின் சஸ்பென்ஸ் வெளிவராமல்  தடுத்தது  எனலாம்.

அதற்காக  ஆசிரியருக்கு  ஒரு " சபாஷ் " போட்டேயாக வேண்டும்.

சஸ்பென்ஸ்  ஈஸ்வரி டெல்லி போகும் வரை  அப்படியே காக்க வேண்டிய அவசியத்தை 

உணர்ந்த கதாசிரியர் ஈஸ்வரியின் கோபத்தை பயன்படுத்தி அவள் 

மகாலிங்கத்திடம் பேசாமல் பார்த்துக் கொண்டார் எனலாம். ஏன் கோபு சார், 

உங்கள் சஸ்பென்சைக் காப்பாற்ற இந்தத் தம்பதியை ஒரு மாதம் பேசிக் 

கொள்ளாமல் செய்து விட்டீர்களே! நியாயமா  சார் இது!

மீண்டும் தம்பதிகள்  டில்லியில் சந்திக்கும் போது தான் ஈஸ்வரிக்கு 

உண்மைத் தெரிய வருகிறது. அவருக்கு தன் தந்தையின் மரணம் பற்றிய செய்தி 

கிடைக்கும் போது, மகளின் திருமணம் பற்றி மாப்பிள்ளை வீட்டினருடன் பேசிக் 

கொண்டிருந்திருக்கிறார் என்பதும், தன தந்தையின் இறுதிச் சடங்கிற்கும்  தன் 

கணவரின் உதவி மிகப்பெரிய அளவில்  இருந்திருக்கிறது என்பது புரிந்ததும் 

ஈஸ்வரி தன் தவறை உணர்கிறாள்.

ஈஸ்வரிக்கு மட்டுமல்ல, வாசகர்களாகிய நமக்கும்  அப்பாடி..... மஹாலிங்கம் 

மோசமானவரில்லை என்பது பெரிய  திருப்தி அளிக்கிறது. பாவம்...... அவர் ஒரு 

சூழ்நிலைக் கைதி மட்டுமே  என்பது நமக்கு மட்டுமல்ல ஈஸ்வரிக்கும், ஏன் 

அவர் மகள் ஜெயாவிற்கும் புரிகிறது.

ஈஸ்வரி தன் கணவனைப் பற்றித் தவறாக நினைக்க வைத்ததும் அவளுடைய 

சூழ்நிலையே. அதனால் ஈஸ்வரியை மன்னித்து விடலாம்..

ஒரு சின்னக் கருவை எடுத்துக் கொண்டு கதையைத் தொய்வில்லாமல், சஸ்பென்சை 

இறுதிவரைக் கொண்டு சென்று ஒரு அருமையான கதைக் கொடுத்த ஆசிரியரை  எத்தனைப் 

பாராட்டினாலும் தகும். அது மட்டுமல்லாமல் துக்க நிகழ்ச்சியில் 

ஆரம்பித்தக் கதையை மங்களகரமாக முடித்து வைத்ததற்கு மிக்க நன்றி கோபு சார்.

பாராட்டுக்கள் கோபு  சார்!

 

மனம் நிறைந்த பாராட்டுக்கள் + 

இனிய நல்வாழ்த்துகள்.

    

   

மிகக்கடினமான இந்த வேலையை

சிரத்தையுடன் பரிசீலனை செய்து

நியாயமான தீர்ப்புகள் வழங்கியுள்ள 

நடுவர் அவர்களுக்கு என் நன்றிகள்.

இந்தப் போட்டியில் பரிசு பெற்றுள்ள

மற்றவர்கள்  பற்றிய விபரங்கள்  

தனித்தனிப் பதிவுகளாக பல மணி நேர 

இடைவெளிகளில் வெளியிடப்படும்.

காணத்தவறாதீர்கள் !

அனைவரும் தொடர்ந்து

ஒவ்வொரு வாரப்போட்டியிலும் 

உற்சாகத்துடன் பங்கு கொண்டு 

சிறப்பிக்க வேண்டுமாய் 

அன்புடன் கேட்டுக்கொள்கிறேன்.

oooooOooooo

இந்த வார சிறுகதை 


விமர்சனப் போட்டிக்கான 

இணைப்பு: 

http://gopu1949.blogspot.in/2014/05/vgk-19_23.html

கதையின் தலைப்பு:

VGK-19

' எட்டாக்க(ன்)னிகள் '

விமர்சனங்கள் வந்து சேர இறுதி நாள்:

வரும் வியாழக்கிழமை 


29.05.2014  


இந்திய நேரம் 


இரவு 8 மணிக்குள்.

என்றும் அன்புடன் தங்கள்

வை. கோபாலகிருஷ்ணன்