ஆரண்ய நிவாஸ் 'சிறுகதைத் தொகுப்பு நூல்’ வெளியீடு !

நகைச்சுவை உணர்வுகள் உள்ளவரும்,

 எனது அருமை நண்பரும், 

என்னுடன் ஒரே அலுவலகத்தில், ஒரே துறையில் 

ஆனால் வேறு பிரிவினில் பணியாற்றியவரும், 

வலைப் பதிவருமான  

ஆரண்ய நிவாஸ் திரு. R. ராமமூர்த்தி அவர்களின் 

முதல் சிறுகதைத் தொகுப்பு நூல் 

“ஆரண்ய நிவாஸ்” 

வெளியீடு, திருச்சி திருவானைக்கா அருகேயுள்ள 

அவரது இல்லத்தில் 

நேற்று 02.08.2014 சனிக்கிழமை மாலை  

இனிதே நடைபெற்றது.

திருச்சி எழுத்தாள நண்பர்கள் மட்டுமின்றி, 

வெளியூரிலிருந்து ஒருசில பிரபல எழுத்தாளர்களும்,

எழுத்தார்வம் கொண்ட எங்கள் அலுவலக நண்பர்களும்,

அவர் வசிக்கும் பகுதியில் வாழும் சில நண்பர்களும்,

அவரின் நெருங்கிய உறவினர்களுமாக 

சுமார் 50 பேர்களுக்கு மேல் இந்த இனிய விழாவினில் 

பங்கேற்று சிறப்பித்திருந்தார்கள். 

ஆறரை மணிக்குத் துவங்கிய விழாவுக்கு

நாலரை மணிக்கே எனக்கு என் வீட்டுக்கே கார் 

அனுப்பி வைத்துக் கூட்டிச்சென்று விட்டார்கள். 

என் வீட்டிலிருந்து அவர் வீட்டுக்கு காரில் செல்ல 

அதிகபக்ஷம் அரை மணி நேரம் 

மட்டுமே ஆகும் என்பதும் இங்கு குறிப்பிடத்தக்கது.

விழாவிற்கு கோபாலி என அன்புடன் அழைக்கப்படும்

தஞ்சாவூர்க் கவிராயர் அவர்கள் தலைமை ஏற்றார்கள்.

’கைகள் அள்ளிய நீர்’ திரு. சுந்தர்ஜி, 

Ms. மாதங்கி  மெளலி அவர்கள் 

அவருடைய தந்தை அஷ்டாவதானி அவர்கள்,

திருச்சி கவிதாயினி திருமதி. தனலக்ஷ்மி பாஸ்கரன் அவர்கள்

ஆகியோர் கலந்துகொண்டு சிறப்பித்திருந்தார்கள் 

என்பது குறிப்பிடத்தக்கது.

அங்கு சென்றதில் எனக்கு நேற்று சிலரின் 

புதிய அறிமுகங்கள் கிடைத்ததில் மகிழ்ச்சி.

விழா ஏற்பாடுகள் அனைத்துமே 

அவர்  வீட்டின் முன்புறம் அமைந்துள்ள 

வெகு அழகான தோட்டத்தின், வெட்ட வெளியில் 

மிகச்சாதாரண முறையில் 

எளிமையாகவும், புதுமையாகவும், 

மிகச்சிறப்பாகவும் நடைபெற்றது.

Just a Casual Homely Meet  

No other General Formalities

திரு. ராமமூர்த்தி அவர்களின் தாயார் அவர்கள் முன்னிலையில் 

அவரின் தந்தை அவர்களால் புத்தகம் வெளியிடப்பட்டது. 

மிகவும் அனுபவசாலியான அவரின் தந்தைக்கு வயது 90.

[He is a Retired TNEB Official - Retired from Services during 1982]

முதலில் அவர் பேசிய பிறகு வந்திருந்த பலரும் 

தங்களைப் பற்றி தாங்களே அறிமுகம் செய்துகொண்டு 

பேச அனுமதிக்கப்பட்டனர். 

அந்த விழாவினில் என்னால் 

என் கேமராவில் எடுக்கப்பட்ட 

ஒருசில புகைப்படங்கள் 

இதோ தங்களின் பார்வைக்காக

’ஆரண்ய நிவாஸ்’ என்ற பெயர் பலகையுடன் 

காட்சியளிக்கும் அவரின் இல்லத்தின் நுழைவாயில் 

அவரால் நேற்று வெளியிடப்பட்ட 

“ஆரண்ய நிவாஸ்”

என்ற சிறுகதைத்தொகுப்பு நூலின் மேல் அட்டை.

[வெளியீடு: நந்தி பதிப்பகம், தஞ்சாவூர்-6]

அவர்கள் இல்லத்தின் பூஜை அறை

திருமதி ராமமூர்த்தியுடன் திரு. ராமமூர்த்தி

திரு. ராமமூர்த்தி அவர்களின் தாய் தந்தை

திரு. ராமமூர்த்தியுடன் 

யாரோ அவர் யாரோ ?

பொன்னாடையுடன்
திரு. ராமமூர்த்தி அவர்கள். 

திரு. சுந்தர்ஜி அவர்களுக்கு 
பொன்னாடை அளித்து கெளரவித்தல்

திரு. ராமமூர்த்தி அவர்களின் அன்புச் சகோதரி.
இவரும் ஓர் கவிதாயினியாக உள்ளார்.
கவிதை நூல் ஒன்றும் ஏற்கனவே வெளியிட்டுள்ளார்கள்.

திரு. ராமமூர்த்தி அவர்களின் தம்பியும், 
ஓவியரும், பதிவருமான எல்லென்
[திரு. லக்ஷ்மி நாராயணன்] 
அவர்கள் தன் தந்தையுடன்.

”ஆரண்ய நிவாஸ்” சிறுகதைத் தொகுப்பு நூல் வேளியீடு

[இடமிருந்து வலமாக]

திருமதி ராமமூர்த்தி அவர்கள்

கோபாலி எனப்படும் தஞ்சாவூர்க் கவிராயர் அவர்கள்

திரு. ராமமூர்த்தி அவர்களின் தந்தை + தாய்

நூல் வெளியிட்ட திருவாளர்: ராமமூர்த்தி அவர்கள்

கிருஷ்ணா என்ற புனைப்பெயருடன் ‘கல்கி’ வார இதழில்
இதுவரை கணக்கிலடங்காத சிறுகதைகள் எழுதிவரும்
திரு. பாஸ்கர் அவர்கள். 
BHEL இல் மேலாளராகப் பணியாற்றி வரும் 
இவரும் என் இனிய நண்பரே !

நம் பதிவர் Ms. மாதங்கி மெளலி அவர்கள்
அஷ்டாவதானியான தன் தந்தையுடன்.

திருச்சியின் பிரபல கவிதாயினியான

திருமதி. தனலக்ஷ்மி பாஸ்கர் அவர்களும்

தஞ்சாவூர்க் கவிராயர் அவர்களும்.

விடைபெற்றுச் சென்ற 
ஒவ்வொருவருக்கும் அன்புடன் 
அளிக்கப்பட்ட பூச்செடி.

My Dear Ramamoorthi Sir,

வணக்கம். நேற்றைய விழா மிகவும் அருமை, இனிமை, எளிமை + பசுமை. 

மிக அழகான இயற்கைச்சூழலில், எழுத்தாளர்கள் அனைவரும் ஒரே குடும்பமாக சேர்ந்து அமர்ந்து பேசி மகிழ்ந்து கொண்டாடியது எனக்கு மிகவும் மகிழ்ச்சியாக இருந்தது.

எழுதும் அளவுக்கு பொது நிகழ்ச்சிகளில் பேசத்தயங்கும் என்னையும் வற்புருத்தி பேச அழைத்து, மிகப்பெரிய கரவொலி வாங்கும் அளவுக்கு பேச வைத்த பெருமை தங்களை மட்டுமே சேரும்.

முன்பின் பார்த்திராத அந்த அஷ்டாவதானியாகிய [Ms. மாதங்கி மெளலி அவர்களின் தந்தை] என் கதைகளை வலைத்தளத்தினில் அவ்வப்போது படித்து வருவதாகவும் .... அதில் ‘சுடிதார் வாங்கப்போறேன்’ என்ற தலைப்பினில் நான் எழுதியிருந்த நகைச்சுவைக்கதையை http://gopu1949.blogspot.in/2014/01/vgk-03.html மிகவும் ரசித்ததாகவும் சொன்னது எனக்கு மிகப்பெரிய பெருமையாகவும், சந்தோஷமாகவும் இருந்தது.

மிகச்சோம்பேறியான நான் நேற்று தங்களின் விழாவினில் கலந்துகொள்ளணும் என்ற தங்களின் ஆசையால் போக வர கார் ஏற்பாடு செய்து கொடுத்திருந்தது என்னை மிகவும் மகிழவும் நெகிழவும் வைத்தது. தங்களின் இந்த ஆத்மார்த்தமான மனிதாபிமானம் மிக்கச் செயல் என்னை வியக்க வைத்தது. அதற்கு என் ஸ்பெஷல் நன்றிகள்.

மிகவும் வயதான ஆனால் சுறுசுறுப்பான தங்களின் தாய் தந்தையை நீண்ட நாட்களுக்குப்பின் நேற்று பார்த்ததிலும், மனம் விட்டுப்பேசியதிலும் எனக்கு அளவிடமுடியாத சந்தோஷம் ஏற்பட்டது.

நான் முதன் முதலில் உள்ளே நுழைந்ததும் தாங்கள் கொடுத்த ஜூஸ் அருமை. அதன்பின் விழாவின் இடையே பாக்குமட்டைத் தட்டினில் அளிக்கப்பட்ட ஸ்வீட் பாக்கெட், முரட்டு இட்லிகள் இரண்டு, முரட்டு தோசை ஒன்று, பட்டிணம் பக்கோடா இரண்டு, இரண்டுவித சட்னிகள் + சாம்பார், பேப்பர் கப்பினில் காஃபி என அனைத்துமே ருசியாக இருந்தன. என் வீட்டுக்கு வந்து அப்படியே படுத்துவிட்டேன். வேறு எதுவுமே என் வயிற்றுக்குத்தேவைப்படாமல் போய் விட்டது. ;)

வருகை தந்த அனைவருக்குமே தாங்கள் முஹூர்த்தப்பை போல பூச்செடி ஒன்றினைக்கொடுத்து அனுப்பியது, பசுமைப் புரட்சியாக மிகவும் மகிழ்ச்சி அளித்தது. 

தாங்கள் அன்பளிப்பாக அளித்துள்ள தங்களின் முதல் சிறுகதைத்தொகுப்பு நூலைப் பொறுமையாகப் படித்துவிட்டு பிறகு கருத்துச்சொல்வேன்.

அனைத்துக்கும் என் மனமார்ந்த இனிய நன்றிகள். 

நம் அருமை நண்பரும் என் எழுத்துலக மானசீக குருநாதருமான திரு. ரிஷபன் ஸ்ரீநிவாஸன் சார் அவர்களின் நேற்றைய மகத்தான சேவைகளுக்கும் என் ஸ்பெஷல் நன்றிகள்.

என்றும் அன்புடன் தங்கள் 

கோபு


பின் குறிப்பு:

எல்லாம் நிறைவாகவே இருந்தும் எனக்கு ஒரேயொரு சின்னக்குறை:

*’நம்மாளு’ வையும், எனக்கு மிகவும் பிடித்தமான அந்த தாங்கள் சொன்ன 
‘ஸ்நேகா” வையும் என் கண்களிலேயே காட்டாமல் இருந்துட்டீங்களே !

*http://blogintamil.blogspot.in/2012/10/blog-post_6217.html

*http://blogintamil.blogspot.in/2012/10/blog-post_16.html