புதிய மின்னூல் ஆசிரியர் அறிமுகம்

திருமதி. ஜெயஸ்ரீ ஷங்கர் அவர்கள் 

 

ஹைதராபாத்தில் வசித்துவரும் திருமதி. ஜெயஸ்ரீ ஷங்கர் என்ற தமிழ் வலைப்பதிவரை தங்களில் ஒருசிலருக்கு மட்டுமே தெரிந்திருக்கலாம்.

அவர்களின் வலைத்தளங்கள்:

• பஞ்சு மிட்டாய்
• சாந்திக் குடில்

• சிந்தாமணி

• பாவை விளக்கு!
• 
  
• இவர்களையும் இவர்களின் வலைத்தளங்களையும் பற்றி நான் ஏற்கனவே http://gopu1949.blogspot.in/2015/07/35.html ’நினைவில் நிற்போர் - 35ம் திருநாள்’ என்ற என் பதிவினில் பாராட்டி அறிமுகம் செய்திருந்ததும், தங்களில் சிலருக்கு  நினைவில் இருக்கலாம்.
• 
  
  இந்த ஜெயஸ்ரீ மேடம் மிகவும் அருமையான, பொறுமையான, திறமையான மற்றும் மிகச்சிறப்பான எழுத்துக்களுக்குச் சொந்தக்காரர் ஆவார். எப்படியோ நாங்கள் இருவரும் ஒருவருக்கொருவர் எங்களின் எழுத்துக்களின் மூலம் கடந்த 3-4 ஆண்டுகளாக நெருங்கிய நண்பர்களாக இருந்து வருகிறோம்.  
  
  
  என் பதிவுகள் பக்கம்கூட இவர்களின் பின்னூட்டங்களைக் காண்பது மிகவும் அரிதாகும். தான் படித்தவற்றைப் பற்றி என்னுடன் தனியே மின்னஞ்சல் மூலம் மட்டும் விரிவாகப் பாராட்டி சிலாகித்துச் சொல்லிவிட்டுப் போவார்.  அதுபோல இவர் எழுதியுள்ள மிகச் சிறப்பான கதைகளை எனக்கு மின்னஞ்சல் மூலம் அனுப்பி வைத்து என் கருத்துக்களைக் கேட்டு மகிழ்வார்.  இவர் எழுதியுள்ள பல மிகச்சிறப்பான ஆக்கங்களை ரஸித்துப்படித்து  நான் சொக்கிப்போனதும் உண்டு. என்றும் என் நெஞ்சை விட்டு நீங்காத அருமையான ஆக்கங்கங்கள் அவை. 
  
  
  நேற்று 28.04.2017 வெள்ளிக்கிழமை இவரின் மூன்று மின்னூல்கள், முதன்முதலாக நம் புஸ்தகா மின்னூல் நிறுவனத்தாரால் வெளியிடப்பட்டுள்ளன.  
  
  
  அதில் ஒன்றான ‘தணியாத தாகங்கள்’ என்ற மின்னூலை எனக்கு நேற்று இரவே, ஓர் சோதனை முயற்சியாகவும், அன்பளிப்பாகவும் ஜெயஸ்ரீ மேடம் அவர்கள் அனுப்பி வைத்துள்ளார்கள். மொத்தம் நான்கு அத்யாயங்கள் மட்டுமே உள்ள அந்த மின்னூலை, எனக்கு ஏற்பட்ட பல்வேறு சோதனைகளுக்குப்பிறகு, நேற்று நள்ளிரவே ஒரே மூச்சில், ஒரு மணி நேரத்தில் நான் ரஸித்துப் படித்து முடித்து இன்புற்றேன். 
  
  
  இவர்களின் இந்த மின்னூல்கள் ஒவ்வொன்றையும் பற்றிய எனது ‘நூல் ஆய்வு + மதிப்புரை’யை தொடர்ச்சியாக இதன் அடுத்த பகுதிகளில் சிலாகித்துச் சொல்லலாம் என நினைத்துள்ளேன்.
  
  
  ‘தணியாத தாகங்கள்’ என்ற தனது மின்னூலை அன்பளிப்பாக எனக்கு அனுப்பி வைத்து வாசிப்பினில் எனக்குள்ள தாகத்தினை ஓரளவுக்குத் தணித்து வைத்துள்ள, திருமதி. ஜெயஸ்ரீ மேடம் அவர்களுக்கு என் அன்பான நன்றிகளைத் தெரிவித்துக்கொள்கிறேன். 
  
  
  
  
  
  ·  ’எழுத்து அமைவதெல்லாம் இறைவன் கொடுத்த வரம்’ என்பதை இந்த ஜெயஸ்ரீ மேடம் எழுதியுள்ள சில ஆக்கங்களைப் படித்த பின்னரே நானும் நன்கு உணர்ந்துகொண்டுள்ளேன்.

  ·          

  ·  ’அக்ஷய திருதியை’ என்ற புண்ணிய தினமான இந்த நாளில் என்னால் இங்கு புதிய மின்னூல் ஆசிரியராக அறிமுகப்படுத்தப்படும் திருமதி. ஜெயஸ்ரீ அவர்களின் ஆக்கங்கள் அக்ஷயமாக மேலும் மேலும் பெருகி, அவை மென்மேலும் ஏராளமான மின்னூல்களாக வெளிவர வேண்டுமாய் பிரார்த்தித்துக் கொள்கிறேன்.

  
  

  ’அக்ஷய திருதியை’  என்ற இன்றைய விசேஷங்கள் பற்றி ஏற்கனவே என் பதிவு ஒன்றில் விரிவாகக் கூறியுள்ளேன். காணத்தவறாதீர்கள். இதோ அதற்கான இணைப்பு: http://gopu1949.blogspot.in/2012/04/24042012.html
•     
• தொடரும்
• என்றும் அன்புடன் தங்கள், 
• 
• 
• 
  
  

• 
  
•