நினைவாற்றல் என்பது இறைவனால் நம்மில் சிலருக்கு மட்டுமே கொடுக்கப்பட்டுள்ள ஓர் வரம்.
எனக்கு ஓரளவு நினைவாற்றல் உள்ளது என, என்னைச் சுற்றியுள்ள பலராலும் அடிக்கடி சொல்லப்படுவதில், எனக்கும் கொஞ்சம் சந்தோஷம் ஏற்படுவதுண்டு.
என் நினைவாற்றல்களின் உதவியினால் மட்டுமே, நான் என்றோ நடந்த என் பள்ளிவாழ்க்கையைப் பற்றி, 40-45 ஆண்டுகளுக்குப்பின், 7+1=8 பகுதிகளாக, ஓர் சுவையான தொடர் பதிவாகத் தர முடிந்தது. சுமார் 500 பின்னூட்டங்களுடன் பலரின் பாராட்டுக்களை நான் பெறவும் முடிந்தது.
அந்தத் தொடரின் ஆரம்பப்பதிவின் இணைப்பு:
பொதுவாக நேற்று நாம் என்ன சாப்பிட்டோம்; எந்த உடையை உடுத்தியிருந்தோம்; எங்கெல்லாம் சென்று வந்தோம்; யார் யாரை சந்தித்தோம் என்பதே நமக்குப் பெரும்பாலும் மறந்து விடுகிறது என்பதே உண்மை. இவையெல்லாம் எனக்கும்கூட மறந்துதான் போகும். ஏனெனில் இதெல்லாம் வாழ்க்கையில் முக்கியத்துவம் வாய்ந்த சமாச்சாரங்களே அல்ல. அன்றாடம் நடைபெறும் மிகச்சாதாரண சில நிகழ்வுகள் என்பதால் மட்டுமே.
அந்த நிகழ்வால் நமக்கு ஒரு பெரும் ஆதாயமோ அல்லது பெரும் பாதிப்புகளோ ஏற்பட்டால் மட்டுமே அவற்றை நம்மால் லேஸில் மறக்க முடிவது இல்லை.
’நன்றி மறப்பது நன்றன்று’ எனச்சொல்லுவார்கள். அதுபோல நாம், நம்மிடம் பாசமும் நேசமும் காட்டிவரும் நம் நல்ல உறவினர்களையும், நல்ல நண்பர்களையும், நம் நலம் விரும்பிகளையும், அவர்கள் அவ்வப்போது நமக்குச் செய்துள்ள சிறுசிறு உதவிகளையும்கூட, நாம் என்றுமே மறக்காமல் இருப்பதே நல்லது.
’மறப்போம் மன்னிப்போம்’ என்பதுபோல மறதி என்பதும் ஓர் வரமே என்று நாம் உறுதியாகச் சொல்லலாம்.
உதாரணமாக, நம்மிடம் இருந்த நகைகளோ, பெரியதொரு தொகையோ திருட்டுப்போய் விட்டது அல்லது நம் அன்புக்குரிய ஒருவர் திடீரென இறந்துவிட்டார் என அறிந்ததும் ஓர் அதிர்ச்சி, அழுகை, துக்கம் முதலியன வரத்தான் செய்யும். சிலர் விஷயத்தில் அவை ஒருசில ஆண்டுகள் வரை நம்மிடம் நீடிக்கவும் செய்யும்.
இருப்பினும், நாம் இழந்துவிட்ட அவைகள் அல்லது அவர்கள் நினைவாகவே நாம் எப்போதும் அழுதுகொண்டு, சாப்பிடாமல், தூங்காமல், வேறு எந்த வேலைகளிலும் ஈடுபடாமல் இருந்து விடவே முடியாது என்பதுதானே நிதர்சனமான உண்மையாக உள்ளது.
இதன்படி, நல்லவைகளையும், நல்ல நட்புகளையும், வாழ்க்கையின் மிக முக்கியமான சில சம்பவங்களையும், கூடுமான வரையில் நாம் என்றும் மறக்கவே கூடாது. அதே சமயம் மறக்க வேண்டிய சிலவற்றை நாம் மறந்துதான் ஆக வேண்டியதாகவும் உள்ளது.
இதில் காலமும், மறதியும் மற்றும் இன்று நடக்கும் சில சந்தோஷமான அல்லது துக்கமான நிகழ்ச்சிகளும் மட்டுமே நமது பழைய துக்கங்களைக் குறைக்க உதவும் காரணிகளாக உள்ளன.
இதையெல்லாம் ஏன் இங்கு நான் சொல்லுகிறேன் என்றால், வயதானாலும் மிகச்சிறப்பான நினைவாற்றல் உள்ள, தனித்திறமைகள் வாய்ந்த, ஒரு நபரை நான் மூன்றாம் முறையாக 25.01.2017 புதன்கிழமை ஓர் நிகழ்ச்சியில் நேரில் சந்திக்க நேர்ந்தது.
அந்த நிகழ்ச்சியின் மெயின் ஹீரோவே அவர்தான். ஆண்களும் பெண்களுமாக சுமார் 50 பேர்கள் கலந்துகொண்ட இனிய நிகழ்ச்சி அது.
அவரை நான் முதன் முதலாக சந்தித்த நாள்: 02.08.2014
இரண்டாம் முறையாக சந்தித்த நாள்: 22.02.2015
70+ ஆன வயதிலும்
நினைவாற்றலில் இன்றும்
நினைவாற்றலில் இன்றும்
ஓர் புலியாகத் திகழ்ந்து வரும் இவர் பெயர்:
அஷ்டாவதானி
திரு. V. மஹாலிங்கம் அவர்கள்.
M.Com., L.L.B., C.A.I.I.B.,
Phone: 0431-2432340
Residing now at
Dhanraj Complex
B-6, First Floor
15, Veereswaram Main Road
Srirangam
Thiruchirappalli-620 006
-oOo-
அந்த சிறப்பு நிகழ்ச்சிக்கான
அழைப்பிதழ் இதோ
Book Club Trichy Invites you
to our meeting
on 25th January, 2017 at 6.30 pm.
For a Lecture Demonstration
on Ashtaavadaanam
by
Sri V.Mahalingam,
(Former AGM, UCO BANK- Retd.)
Time: 6.30 PM to 8 PM
Venue: Thathachariar House,
No.152, South Chitra Street,
Venue: Thathachariar House,
No.152, South Chitra Street,
Srirangam, Trichy-620006.
Note : Ashtaavadaanam is an ancient Indian art which was in active practice in our Country Earlier . Literally means doing eight things simultaneously Please Do make it a point not to miss this meeting
The Book Club Trichy meets on the Fourth Wednesday of every month.
E-Mail: bookclubtrichy@gmail.com
E-Mail: bookclubtrichy@gmail.com
Coordinator: Brigadier B. Narayanswamy, EME (Retd)
Tel: 2761497. Mobile: 94437- 71497
Tel: 2761497. Mobile: 94437- 71497
நான் நேரில் கலந்துகொண்ட அந்த நிகழ்ச்சியில், என் பார்வையில், அங்கு நடைபெற்ற சிறப்பம்சங்கள் + வியப்புகள் பற்றி இதன் அடுத்த பகுதியில் தொடர்வேன்.
என்றும் அன்புடன் தங்கள்,
(வை. கோபாலகிருஷ்ணன்)
