உலகைக் கவரும் உன்னதமான துபாய்-8

துபாயில் இந்தியப்

பொருட்களின் கண்காட்சி

மூன்று நாட்கள் 11-13.12.2014

இந்தியப்பொருட்களின் கண்காட்சி ஒவ்வொரு ஆண்டும் துபாயில் நடப்பது வழக்கம். இந்த ஆண்டுக்கான கண்காட்சி 11.12.2014 முதல் 13.12.2014 வரை மூன்று நாட்களுக்கு நடைபெற்றன. இந்தக்கண்காட்சியில் இந்தியாவைச் சேர்ந்த 70 பேர் உருவாக்கிய அரங்குகளில் 300-க்கும் மேற்பட்ட பொருட்கள் இடம் பெற்றிருந்தன. 

இந்தக்கண்காட்சியில் 2012-ம் ஆண்டு சுமார் 16 ஆயிரம் பேரும், 2013-ம் ஆண்டு சுமார் 14,700 பேர்களும் பங்கேற்றனர். அதேபோல இந்த ஆண்டும் பல ஆயிரக்கணக்கானவர்கள் பங்கேற்று சிறப்பித்துள்ளனர். 

துபாயில் ஷாப்பிங் திருவிழா 

01 01 2015 தொடக்கம்

ஏற்பாடுகள் தீவிரம்.

 

 

‘கொண்டாட்டத்தின் 
ஒரு பயணம்’ 

துபாயில் கடந்த 1996-ம் ஆண்டு, சில்லரை வர்த்தகத்துக்குப் புத்துணர்வு கொடுக்கும் வண்ணம் ஷாப்பிங் திருவிழா தொடங்கப்பட்டது. பின்னர் அடுத்தடுத்த ஆண்டுகளில் இந்தத்திருவிழா மேம்படுத்தப்பட்டு சுற்றுலாப் பயணிகளை வெகுவாகக் கவர்ந்தது.

கடந்த 19 ஆண்டுகளாக துபாயில் நடந்துவரும் இந்த ஷாப்பிங் திருவிழா தற்போது 20-வது ஆண்டை நிறைவு செய்கிறது. இந்த ஆண்டுத்திருவிழா ஜனவரி-1ம் தேதி துபாயில் கோலாகலமாக தொடங்குகிறது. 32 நாட்கள் நடக்கும் இந்தத்திருவிழா இந்த முறை ‘கொண்டாட்டத்தின் ஒரு பயணம்’ என்ற தலைப்பில்  2015 பிப்ரவரி-1ம் தேதி வரை நடக்கிறது.

குவிந்து கிடக்கும் பொருட்கள்:

இந்த ஷாப்பிங் திருவிழாவில் உலகில் உள்ள அத்தனை நாட்டுச் சுற்றுலாப் பயணிகளுக்கும் தேவையான விதவிதமான பொருட்களை வாங்கிக்கொள்ளலாம். அந்த அளவுக்குப் பொருட்கள் குவிந்து கிடக்கும். இந்தத்திருவிழாவை ஒவ்வொரு சுற்றுலாப் பயணியும் வெகுவாக எதிர்பார்த்துக் காத்திருக்கிறார்கள்.

இந்தத் திருவிழாவுக்கு வரும் வாடிக்கையாளர்களுக்கு நுழைவுக்கட்டணத்துடன் ஒரு கூப்பன் வழங்கப்படும். பின்னர் குலுக்கல் முறையில் தேர்வு செய்யப்பட்டு பரிசுகள் வழங்கப்படும். மேலும் மெகா குலுக்கல் முறையில் தேர்ந்தெடுக்கப்படுபவர்களுக்கு ஒரு கிலோ தங்கம், விலை உயர்ந்த கார் போன்ற பரிசுகள் அன்பளிப்பாக வழங்கப்படுகின்றன.  

இறுதிக்கட்ட எற்பாடுகள்:

20-வது ஆண்டு ஷாப்பிங் திருவிழாவுக்கான ஏற்பாடுகள் தற்போது இறுதிக் கட்டத்தை எட்டியுள்ளன. இது குறித்து சுற்றுலா மற்றும் வர்த்தக மார்க்கெட்டிங் துறையின் துபாய் ஷாப்பிங் திருவிழா மற்றும் சில்லறை ஸ்தாபன தலைமை நிர்வாக அதிகாரி லைலா முஹமது சுஹைல் கூறியதாவது:

துபாய் ஷாப்பிங் திருவிழா அதன் 20-ம் ஆண்டு நிறைவு விழாவை நோக்கி பயணிக்கிறது. இது நம் அனைவருக்கும் பெருமை தரும் தருணமாகும். இந்த இலக்கை நாம் அடைந்ததன் காரணம் ஷாப்பிங் துறையில் தலைமைத்துவத்தை பராமரிக்கும் துபாயின் திறமையால் மட்டும் தான். இந்த அளப்பறிய சாதனையை நிகழ்த்த முதன்மைக்காரணம், உலகப் பொருளாதார வீழ்ச்சியின் போது  கூட துபாய் ஷாப்பிங் திருவிழாவை தவறாது நடத்திய நமது நிர்வாகத்தன்மையே ஆகும்.

பிரபலங்களின் நிகழ்ச்சிகள்: 

உலகில் பல நிகழ்ச்சிகள் நெருக்கடி காரணமாக இடையில் நிறுத்தப்பட்டும் ரத்து செய்யப்பட்டும் போய் இருக்கின்றன. ஆனால் துபாய் ஷாப்பிங் திருவிழா  அனைத்துத் தருணங்களிலும் நடத்தப்பட்டு வருகிறது. துபாய் ஷாப்பிங் திருவிழாவில் பொருட்கள் வாங்குவது மட்டுமின்றி நிகழ்வுகளின் தூண்களாக பொழுதுபோக்கு நிகழ்ச்சிகளும், வெற்றிகளும் இடம் பெறுகின்றன. 

இவ்வாறு அவர் தெரிவித்தார்.  

துபாயின் ஷாப்பிங் திருவிழாவின்போது சர்வதேச அளவில் புகழ்பெற்ற பொழுதுபோக்குக் கலைஞர்கள், ஓவியர்கள் உள்ளிட்ட பிரமுகர்கள் கலந்துகொண்டு ஒரே மேடையில் தங்களது திறமைகளை வெளிப்படுத்துவது காண்போரை மெய்சிலிர்க்க வைக்கும் என்பதில் எந்த சந்தேகமும் இல்லை.

துபாயில் சுற்றுலா பயணிகளைக் கவரும் வகையில்
செயற்கையாக உருவாக்கப்பட்ட ‘பாம் ஐலண்டு’

துபாய் நகரின் கடலோரப் பகுதியில் அமைந்துள்ள 
வானுயர்ந்த கட்டடங்கள்

துபாய் மரீனாவில் இருந்து அல்சுபோ வரை 

10.6 கிலோ மீட்டர் தூரத்திற்கு 

டிராம் வண்டிகள் இயங்குகின்றன.

துபாயில் இயங்கும் டிராம் வண்டி இதுமட்டும்தான்.

இதிலுள்ள பெரும்பாலான தகவல்கள்

துபாயில் முதன்முதலாக 10.12.2014 அன்று வெளியிடப்பட்ட

’தினத்தந்தி’ தமிழ் செய்தித்தாளின் 

தொடக்கவிழா சிறப்பு மலரிலிருந்து

எடுத்துப் பகிரப்பட்டுள்ளன.



 துபாய் ’தினத்தந்தி’
தொடக்க விழா
சிறப்பு மலருக்கு 
என் நன்றிகள்

World's Tallest Building - Height 2766 feet

’At the Top - Burj Khalifa - Dubai’



இனி நாங்கள் இந்தமுறைசென்று வந்த 
ஒருசில இடங்களைப்பற்றிய
படங்களும் தகவல்களும் மட்டும் 
தினமும் தொடர்ந்து வெளியிடப்படும்.